ನನ್ನಕ್ಕ – ಲೀಲಕ್ಕ

ಸಾಮಾನ್ಯ ಕಾಷ್ಟದೋಲು ಕಾಣುವ ಗಂಧದ ಕೋರಡೋಂದು
ತಾ ಸೂಸುವ ಪರಿಮಳವು ಅಮರವಾಗಿರುವಂತೆ
ಸಾಮಾನ್ಯ ಹೆಣ್ಣು ನೋಡಲು ನೀನಾದರೂ ಎನ್ನ ಅಕ್ಕಮ್ಮ
ನೀ ಸೂಸಿದ ಪ್ರೀತಿ ಮಾಡಿದಾ ಸೇವೆ ಅದು ಅಮರವಮ್ಮ

ತೀಡಿ ತೀಡಿ ತೇದರೂ ಲೆಕ್ಕಿಸದೇ ತನ್ನಂದವ ಗಂಧದ ತುಂಡು
ಮೊಲ ಸ್ವಭಾವವ ಬಿಡದೆ ಹೆಚ್ಚು ಸುಗಂಧವ ಪಸರಿಸುವಂದದಿ
ದುಡಿಸಿ ದುಡಿಸಿ ಸವೆಸಿದರೂ ಲೆಕ್ಕಿಸದೇ ನಿನ್ನ ಚಂದವ
ಪಸರಿಸಿದೆ ಆದರೂ ದಿಗಂತಕೆ ಪ್ರೀತಿಯ ಸುಗಂಧವ

ಕೊಡಲಿ ಉಳಿಗಳ ಪೆಟ್ಟ ಸಹಿಸುತ ತಾ ತಾಳ್ಮೆಯಲಿ
ಚಂದನದ ಬೊಂಬೆಗಳ ರೂಪದಲಿ ಗಂಧವು ಹೊರಬರುವಂದದಲಿ
ಮೊನಚು ಮಾತುಗಳ ಹೊಡೆತ ಕೊಂಕೊ ನುಡಿಗಳ ಪೆಟ್ಟು ಸಹಿಸುತ ಸಹನೆಯಲಿ
ನೊಂದು ಬೆಂದು ಮುಳುಗಿದರೂ  ನಗುನಗುತ ಮೇಲೆದ್ದೆ ನೀ ನಿಜ ಸತಿಯ ರೂಪದಲಿ

ಹದಿನೈದು ವರ್ಷಗಳು ಹಾಸಿಗೆಯಲಿ ನರಳಿ ಹೊರಳಾಡಿದೆ
ಆಗಿ ನೀ ರೋಗಗಳ ಆಕ್ರಮಣಕ್ಕೆ ಬಲಿ
ಆದರೂ ಮುನ್ನಡೆದೆ ನೀ ಬಿಡದೆ ವ್ರತ ಪೂಜೆಗಳ ಕಾರ್ಯದಲಿ
ಕಷ್ಟ ನಷ್ಟಗಳ ತೋರ್ಗೊಡದೆ ನಿನ್ನ ನಗು ಮುಖದಲಿ

ನಿನ್ನ ತಾಳ್ಮೆಯ ವಾರಿಧಿಯಲಿ ಮುಳುಗಿದವು ನೋವು ನಲಿವುಗಳು
ಎಲ್ಲರನು ನೆನೆಸಿದವು ನಿನ್ನ ಹೃದಯ ಕಾರಂಜಿಯ ಪ್ರೀತಿ ತುಂತುರುಗಳು
ಎಪ್ಪತ್ತಾರು ವರ್ಷಗಳ ನಿನ್ನ ಈ ಬದುಕಿನಾ ಹಾದಿ
ಮಾಡಿದವು ನಿನ್ನ ಸಂಕಲ್ಪಗಳ ಛಲದ ಬುನಾದಿ

ಸದಾಚರಣೆಯ ಉದಾಹರಣೆಯೇ ಉತ್ತಮವಾದ ಉಪದೇಶ.
ಎಂದು ಸಾರುತಿಹುದು ಒಂದು ನಾಣ್ನುಡಿಯು
ಈ ಜಾಣ್ನುಡಿಯು ನಿನಗಾಗಿಯೇ ಹೇಳಿದಂತಿದೆ
ಎಮಗೆ ಸ್ಫೂರ್ತಿಯಾಗಿದೆ ನಿನ್ನ ಜೀವನ ಗಾಥೆಯು

ನಾ ತಮ್ಮನಾದರೂ ನೀ ನನ್ನ ಕಾಣುತ್ತಿದ್ದೆ ಗುರುವಿನಾ ಭಾವದಲಿ (ಅದಕಾಗಿ)
ಹೃದಯಾಂತರದಿಂ ಅರ್ಪಿಸುವೆ ನಮನವನು ಮನದಲಿ.

ಶ್ರದ್ಢಾಂಜಲಿ : ದಿವಂಗತ ಶ್ರೀ ಕೆ.ಎಸ್.ಶಾಮಣ್ಣನವರಿಗೆ

ಭಾವನದಿಯಲಿ ಮಿಂದು ಒಂದು ಜೀವನದಿ ನೀನಾಗಿದ್ದೆ.
ಸಹಾಯ ಹಸ್ತಗಳ ಪೂರವೇ ನೀ ಚಾಚಿ ಚೆಲ್ಲಿದ್ದೆ
ಅದ ಬಾಚಿ ಪಡೆದಿದ್ದ ಜನರ ಸಂಖ್ಯೆಯು ತಿಳಿಯದು
ಮನಕೆ ಬಂದಂತೆ ಟೀಕಿಸಿದ ಸಂಖ್ಯೆಯೂ ಅರಿಯದು

ನಿಮ್ಮ ಮನೆಯಾಗಿತ್ತು ಓದುಗರ ವಿದ್ಯಾಶ್ರಮ
ನಿಮ್ಮ ಮನೆಯಾಗಿತ್ತು ರೋಗಿಗಳ ಸೇವಾಶ್ರಮ
ದಂಪತಿಗಳೀರ್ವರೂ ಕಟ್ಟಿದಿರಿ ಟೊಂಕವನು
ಎದುರಿಸಿದಿರಿ ಆದರೂ ಟೀಕೆಗಳ ವರ್ಷವನು

ನಿಮ್ಮ ಹೃದಯವಂತಿಕೆಯ ಸಿರಿ(ಹಿರಿ)ತನವ ಅರಿಯದೇ ಹೋದವು
ನಿಮ್ಮ ಹುಲಿಯ ಘರ್ಜನೆಯ ಮಾತುಗಳು ಆದವು ಅದಕೆ ಕಾರಣವು
ನಿಮ್ಮ ಪಶ್ಚಾತ್ತಪದ ಕೂಗಿಗೆ ಓಗೊಟ್ಟ ಆ ಕಂಚಿಕಾಮಾಕ್ಷಿ
ಕರುಣಿಸಿದಳು ಮೋಕ್ಷವನು ಮಿಂಚಿನಾ ವೇಗದಿ ಮುಚ್ಚಿ ನಿಮ್ಮ ಅಕ್ಷಿ

–ಬಾ.ಕೇ

ಹೃದಯ ನುಡಿ -೧

ಕರಿಯ ಹಕ್ಕಿಯೊಂದು ಬಂದು
ಎದರುಗೊಡೆ ಮೇಲೆ ನಿಂದು

ಮಧುರಗಾನ ಹಾಡಿತು |
ನನ್ನ ಎದೆಯು ತುಂಬಿ ನಿಂತು
ಮನದ ಮೊಬ್ಬಿ ಕರಗಿ ತಿಂತು |
ಅದನು ನೋಡಿ ಕರಿಯ ಹಕ್ಕಿ
ಸೊಕ್ಕಿನಿಂದ ಮತ್ತೆ ಹಾಡಿ
ನೀಲ ಗಗನ ಸೇರಿತು |

ನನ್ನ ನಯನ ಬೆಳಗಿತು
ನನ್ನ ಹೃದಯ ಅರಳಿತು |

ಜೀವನದಿ ಕಾವೇರಿ

ಮೇಘ ಮಂಡಲದಿಂದ ಸುರಿದು ಬಂದಿಹಳು….

ಭಾಗಮಂಡಲದಲ್ಲಿ ಜನುಮ ತಾಳಿಹಳೂ….

ಧರೆಗಿಳಿದು ಬಂದಿಹಳು ಕೊಡಗಿನಾ ಕಾವೇರಿ….

ಜೀವನದಿ ಎನಿಸಿಹಳು ಬೆಡಗಿನಾ ಕಾವೇರಿ….

ಧುಮ್ಮಿಕ್ಕಿ ಧುಮುಕುತ್ತ ಹಾಲ್ನೊರೆಯ ಚೆಲ್ಲುತ….

ಜಾತಿ ಭೇದವ ಮೀರಿ ಹರಿದಿಹಳು ಈ ತಾಯಿ….

ಶ್ರೀರಂಗನಾಥನ ಬಳಸಿ ಸುತ್ತಿಹಳು…..

ರೈತ ಜೀವಿಗಳ ಮನದಲ್ಲಿ ನೆಲಸಿಹಳು…..

ಶಿಲ್ಪಿ ಚಾತುರ್ಯಕ್ಕೆ ಮೆಚ್ಚಿ ನಿಂತಿಹಳಲ್ಲಿ…

ಅಭಯ ಮುದ್ರೆಯ ತೋರಿ ಹರಸುತಿಹಳಲ್ಲಿ..

ಧರೆಗೆ ಹಾಸಿಹಳು ಹಸಿರು ಪೀತಾಂಬರವ

ಮನೆಮನೆಯ ಬೆಳಗಿಹಳು ಜ್ಯೋತಿಯಾ ಬೆಳಕಿಂದ

ವನ್ಯ ಮೃಗಗಳಿಗೆಲ್ಲ ಆಶ್ರಯವ ಕೊಟ್ಟಿಹಳು

ಪಕ್ಷಿಧಾಮಗಳನ್ನು ಮಡಿಲಲ್ಲಿ ಇಟ್ಟಿಹಳು

ಕನ್ನಡತಿ ಕಾವೇರಿ ಈ ನಮ್ಮ ತಾಯಿ

ಸಾರಿ ಹೇಳುತಲಿಹಳು ನಮ್ಮವಳು ಎಂದು

(ಈ ಹಾಡನ್ನು ಎರಡು ಬಾರಿ ನೃತ್ಯರೂಪಕವಾಗಿ ಪ್ರದರ್ಶಿಸಲ್ಪಟ್ಟಿದೆ)

ದಾಸವಾಳ

ನಿನ್ನೆ ನೋಡಿದಾ ತುಂಬುಹರೆಯದ

ಕೈಬೀಸಿ ಕರೆದ, ನಕ್ಕುನಲಿದಾ ದಾಸವಾಳ

ಇಂದು ಮುದುಡಿ ಬಾಡಿ ಬೆಂಡಾಗಿ

ಭೂತಾಯಿ ಅಪ್ಪಿಹುದು

ಜೀವನದ ಅರ್ಥವ ಸಾರುತಿಹುದು

ರೈತ

ಕೆಸರುಗದ್ದೆಗಳಲಿ ಉಸಿರ್ ಹಿಡಿದು ದುಡಿಯುತಿಹ

ಬೆವರು ಹನಿಗಳಷ್ಟು ಹಣವ ಸುರಿದು

ಹಸಿರು ತೆನೆಗಳಾ ನೋಡುವಾಹಂಬಲದಿ

ಹಸಿದ ಹೊಟ್ಟೆಯನು ತುಂಬುವಾ ಆಸೆಯಲಿ

ಬಿಸಿಯುಸಿರು ಬಿಡುತಿಹನು

ಅರೆನಗ್ನನಾಗಿ  ನಮ್ಮ ರೈತ  ಜೀವಿ

ಮಧುರೈ

 

ಎತ್ತ ನೋಡಿದರತ್ತ ಗಗನ ಚುಂಬಿತ ಗೋಪುರ

ತಲೆ ಎತ್ತಿ ನಿಂದಿಹವು ಕಲೆಯ ಮೂರ್ತಿವೆತ್ತಾಗಿ

ಗರ್ಭದಲಿ ನಿಂತಿಹಳು ಮಧುರೆ ಮೀನಾಕ್ಷಿ

ಕಾಮಪ್ರದೆಯಾಗಿಹಳು ಈ ಮಧುರೆ ಕಾಮಾಕ್ಷಿ

ಅರ್ಪಿತ

 

ಕುಬ್ಜ ದೇಹದ, ಬೊಜ್ಜು ಹೊಟ್ಟೆಯ

ಮೇಲೊಂದಿರುವುದು ಆನೆಯ ಮುಖವು

ನೋಡಲು ಕಾಣುವ ಹಾಸ್ಯಾಕಾರ

ಆದರು ಆಗಿದ ಪ್ರಣವಾಕಾರ

ವೇಗದಿ ಬರುವನು ಈ ಮಂಗಳಾಕಾರ

ತೋರಲು ಹೃದಯದಿ ಸಾಕ್ಷಾತ್ಕಾರ

ಮೋದಕ ಪ್ರಿಯನು ಬಾಳ ರಸಾಯನ

ಅರ್ಪಿತನವನಿಗೆ ಈ ಕವನ ರಸಾಯನ

ವಿಶ್ವರೂಪ

ಇದು ಪ್ರಯತ್ನ ಇಡುಗೆ